Ата-аналарға бала қауіпсіздігі туралы

Ата—ана баласына мектепке, көшеге, дүкенге барада үнемі мынаны ескертіп отыруы керек:

• Таныс емес, бөтен адаммен сөйлеспе; 
• Мас және қауіпті адамнан алыс жүр; 
• Бөтен адаммен подъезге, подвалға, лифтіге кірме; 
• Сені артыңнан қуса, көп адамдар арасына жүгір. 

Жалпы ата-ана баласының қайда және кіммен ойнап жүргенін білуі керек. 
Мектепке кешікпей баруын, үйге уақытысында келуін қадағалағаны абзал. 
Көбінесе ата-ана жұмыста болып, бала үйде жалғыз қалатын кездер болады. Балаға техника қауіпсіздік ережелерін және мынаны ескертіп отыруы керек:

• Үйде жалғыз қалғанда электр жүйесіне жақындамау, 
• Газ плитасына тиіспеу, 
• Терезені ашпау, 
• Бөтен кісіге есік ашпау, т.с.с. 

Ата-анасының әрбір ескертуін ұмытпай, ереже талабын бұлжытпай орындаған балалардың әр түрлі сәтсіздіктен аулақ болатыны шындық.