Психологиялық кеңес

Қазіргі балалар интеллектуалды, эмоционалды өте белсенді. Сол себепті тез шаршайды. Олардың рухы әлсіз болады. Ата-ана тарапынан сүйіспеншілік пен жүрек жылуын қажет ететінін баланың қоғамдағы қарым-қатынасы оның басқа адамдармен қарым-қатынасы арқылы анықталады. Отбасымен қарым-қатынасы жақсы баланың мінез-құлқынан, әрекетінен, көзқарасы мен сөйлеуінен қандай отбасынан шыққанын аңғаруға болады. Өтірік айту, теріс қылық жасау, біреуді балағаттау, жамандау, арақ-темекіге әуес болу, ұрсысу, пара беру, кісіге қиянат жасау, заң бұзу және тағы басқа теріс әрекет жасау баланың қоғамдағы қарым-қатынасына кері әсерін тигізеді. Өзі тәрбиеленетін ортадан осындай жағымсыз әрекеттерді көріп өскен балада көзқарас дұрыс қалыптаспайды. Балаға жақсылықтарды көрсетіп жасау өте маңызды. Үлкендер балалардың көзінше өзара ұрсыспау керек және үнемі балалармен сырласып, олардың өз ойын бүкпесіз айтуына мүмкіндік беріп отыруы қажет. Ата-ана баланың әрбір іс-әрекетіне баға беріп отырса, балаға үнемі таңдау берсе, баланың кем тұсын есіне сала бермей, оны түзетуге тырысса, балаға қолынан бәрі істің келетіні туралы мотивация берсе, оның қабілеті жоғары, қызығушылығы басым және қоғамға деген қарым-қатынасы да нәтижелі болады.